വാണക്കുറ്റി രാമൻപിള്ള
(Vanakkutty Raman Pillai എന്ന താളിൽ നിന്നും തിരിച്ചുവിട്ടതു പ്രകാരം)
മലയാളചലച്ചിത്രനടനും പത്രപ്രവർത്തകനുമായിരുന്നു വാണക്കുറ്റി രാമൻപിള്ള. പി.കെ. രാമൻപിള്ള എന്നാണ് യഥാർഥ നാമം. ചലച്ചിത്രനടനായിരുന്ന ആദ്യ പത്രപ്രവർത്തകനാണ് ഇദ്ദേഹം.[1] ഹാസ്യസാഹിത്യം, നാടകം, കഥ, തിരക്കഥ, സംഭാഷണം, ഗാനരചന തുടങ്ങിയ മേഖലകളിലും ഇദ്ദേഹം പ്രവർത്തിച്ചിരുന്നു. കൂടാതെ പാരഡി ഗാനരചനയിലും ശ്രദ്ധേയനായിരുന്നു.
കോട്ടയം പെരുന്തുരുത്തിയിൽ പാറയിൽ നീലകണ്ഠപ്പിള്ളയുടേയും പുല്ലാപ്പള്ളിൽ പാപ്പിയമ്മയുടേയും മകനായി 1919-ൽ മാങ്ങാനത്ത് ജനിച്ചു. മലയാള മനോരമയിൽ പ്രൂഫ് റീഡറായി ജോലി ചെയ്തിരുന്നു. അൻപതോളം നാടകങ്ങളിലും ഇദ്ദേഹം അഭിനയിച്ചിട്ടുണ്ട്.[1] 1972 ജൂലൈ 30-ന് 53-ആം വയസ്സിൽ അന്തരിച്ചു. ഭാര്യ കെ. ഭവാനിയമ്മ. മക്കൾ, വിജയചന്ദ്രിക,വസന്ത കുമാരി, ദേവാനന്ദ്.
അഭിനയിച്ച ചിത്രങ്ങൾ[തിരുത്തുക]
- പ്രേമലേഖ
- അച്ഛൻ
- പൂത്താലി
- അനിയത്തി
- വേലക്കാരൻ
- മനസാക്ഷി
- അവൻ വരുന്നു
- പാടാത്ത പൈങ്കിളി
- നായര് പിടിച്ച പുലിവാല്
- ആറ്റം ബോംബ്
- അനാച്ഛാദനം
- അദ്ധ്യാപിക
- പുന്നപ്ര വയലാർ
- വിശപ്പിന്റെ വിളി
- രണ്ടിടങ്ങഴി
- മിന്നൽ‌പ്പടയാളി
- അവരുണരുന്നു
പുസ്തകങ്ങൾ[തിരുത്തുക]
- വാണക്കുറ്റിയുടെ വിനോദ കഥകൾ
- ഞായറാഴ്ച കച്ചേരി
- ഇവരെ സൂക്ഷിക്കണം
- അതിഥികൾ
- കുഞ്ചുപിള്ളയുടെ പദയാത്ര
- മാക്രി കവി പോലീസ്
- എല്ലു തിരിച്ചു കിട്ടണം